Қазақстан Республикасы Премьер-Министрінің орынбасары Серік Жұманғарин ЕЭК Кеңесінің отырысына қатысты

Өткен аптаның соңында Қазақстан Республикасы Премьер-Министрінің орынбасары Серік Жұманғариннің қатысуымен Еуразиялық экономикалық комиссия Кеңесінің отырысы өтті.

Тараптар газ, мұнай және мұнай өнімдерінің ортақ нарықтарын қалыптастыру, импорттық кедендік баждарды жинау және аудару мәселелерін талқылады.

Отырыс нәтижесінде спорттық құрал-жабдықтарды ұстау және пайдалану бойынша бірыңғай міндетті талаптар бекітілді.

Қазіргі уақытта ЕАЭО-да бұл салада техникалық реттеу жоқ.

Сондай-ақ таңбалауға жататын жеңіл өнеркәсіп тауарларының тізімін кеңейту туралы шешім қабылданды. Тізім трикотаж және жасанды үлбірден жасалған бұйымдар, костюмдер және басқа да тауарлармен толықтырылды.

Отырысқа қатысушылар Жоғары Еуразиялық экономикалық кеңестің кезекті отырысының күн тәртібін де бекітті.

Алайда Қазақстан техникалық регламенттерге енгізілген түзетулер пакетін қолдамады

«Алкоголь өнімдерінің қауіпсіздігі туралы». Бірыңғай ЕАЭО стандарттарына көшу бойынша елдердің ұлттық техникалық регламенттерін пысықтау мақсатында түзетулерді қабылдауды 2025 жылдың 1 шілдесіне қалдыру туралы шешім қабылданды.

Фото: Еуразиялық экономикалық комиссияның ресми сайты