Қазақстан Республикасы Денсаулық сақтау министрлігі су тасқынынан зардап шеккендерге көмек көрсетуді ұйымдастыру жұмыстарын жалғастыруда.

Атап айтқанда, 16 санаториялық-курорттық ұйым су тасқынынан зардап шеккендерді тегін қабылдайды. 12 шипажай Түркістан облысында, қалғандары Бурабай, Семей, Алматы қалаларында және Ақтөбе облысының Алға ауылында орналасқан.

Бұл нысандар барлығы 190 адамды қабылдай алады, оңалту курсы 10 күннен 14 күнге дейін болады. ҚР Денсаулық сақтау министрлігінің Курортология және медициналық оңалту ғылыми-зерттеу институты жергілікті атқарушы органдардан санаторийлерге дереу орналастырылуы тиіс адамдардың тізімін беруді сұрады.