2024 жылы Тұрғын үй саясатын реформалау туралы заң қабылданады деп күтілуде, деп хабарлады ҚР Индустрия және құрылыс министрі Қанат Шарлапаев.

Заң жобасы «Отбаса Банк» базасында орталықтандырылған есепке алуды, тұрғын үйді беруді және бөлуді қамтамасыз ететін толыққанды даму және қолдау институтын құруды көздейді.

«Отбасы банк» базасында азаматтардың тіркеуге тұруына мүмкіндік беретін Тұрғын үймен қамтамасыз ету орталығын ашу жоспарлануда. Әрбір өтініш бойынша мұқтаж азаматтың отбасы жағдайының барлық сипаттамаларын ескере отырып, отбасының цифрлық портреті жасалады.

Осылайша, Заңның қабылдануы Қазақстан азаматтарының барлық санаттары арасында тұрғын үйді әділ бөлу механизмін енгізуге мүмкіндік береді.