Қазақстан энергетика министрі Алмасадам Сәтқалиев сәуір айының басында Үкімет отырысы барысында Қазақстан қалаларындағы жылу электр орталықтарын жөндеу науқанына дайындық туралы хабарлады.

«Министрлік моноқалалардағы ЖЭО бойынша келесі жылыту маусымына дайындыққа ерекше назар аударады. Жоспар-кестеге сәйкес Степногорск, Риддер, Теміртау, Шахтинск, Кентау қалаларында 28 қазандық пен 11 турбинаны жөндеу және реконструкциялау жоспарланған», — деп атап өтті А. Сәтқалиев.

Атап айтқанда, энергетика ведомствосының басшысы Степногорск қаласында «қазандық агрегатын қалпына келтіру және турбоагрегатты Степногорск ЖЭО-ға ауыстыру» жобасы іске асырылуда, оны 2026 жылға қарай аяқтау керек. Жобаның құны 25 млрд. теңгеге бағаланады. Сондай-ақ, 2027 жылға қарай аяқтау жоспарланып отырған Балқаш жылу электр орталығын жаңғырту жоспарында жалпы шығындар 27,2 млрд.теңгені құрайды.

Сонымен қатар, Лисаков қаласында Орталық қалалық қазандықтың қажеттіліктері үшін газ поршенді қондырғының құрылысын бастау жоспарлануда. Жобаны 2025 жылға дейін аяқтау жоспарлануда. Оның құны шамамен 858 млн. теңгені құрайды.

«Осы жобаларды іске асыру моноқалалардағы жылу жүктемесін жабуға, ЖЭО негізгі және қосалқы жабдықтарын жаңарту есебінен тұтынушыларды жылумен жабдықтаудың сапасы мен сенімділігін жақсартуға мүмкіндік береді, сондай — ақ жаңа энергия қуаттарын іске қосуды қамтамасыз етеді», — деп нақтылады Министр.