Қирғизистон Республикасининг Рақамли ривожланиш вазири Нурия Кутнаева Германиянинг BVL Логистика ассоциацияси вакиллари Мирко Новак ва Кристоф Крошке билан учрашув ўтказди.

Томонлар Қирғизистон ва Германия ўртасидаги рақамлаштириш ва логистика соҳасидаги ҳамкорлик истиқболларини муҳокама қилдилар.

Қирғизистон томони Рақамли ривожланиш вазирлиги ва унинг бўлинмалари, «Қирғиз почтаси» ва «Қирғизтелеком» акциядорлик жамиятлари, «Инфоcом» ДТ ва «Тундук» ДК ривожланиш режаларини тақдим этди.

BVL вакиллари, ўз навбатида, рақамлаштириш ва логистика соҳасидаги лойиҳаларни, шу жумладан онлайн автомобил буюртмаларини ишга тушириш ва кузатув тизимини ишлаб чиқишни тақдим этдилар.

Учрашув иштирокчилари рақамли трансформация мақсадларига эришиш ва логистика жараёнларини такомиллаштиришда қўллаб-қувватлашга тайёр эканликларини тасдиқладилар.

Учрашув Қирғизистон Республикаси Вазирлар Маҳкамаси раиси Ақылбек Жапаров бошчилигидаги расмий делегация таркибида вазирнинг ўтган йил охирида Гамбургга ташрифи якунлари бўйича бўлиб ўтди.