Қирғизистонда 400 мегаватт қувватга эга қуёш электр станцияси қурилади

Қирғизистон Республикаси Вазирлар Маҳкамаси раиси-Қирғизистон Республикаси Президенти маъмурияти раҳбари Ақылбек Жапаров Иссиқ-Кўл вилоятининг Балиқчи шаҳридаги Қара-Талаа участкасида 400 мегаваттли қуёш электр станциясини қуриш учун капсула ётқизди.

«Сўнгги 2 йил ичида Қирғизистонда Қамбар-Ата ГЭСи-1, Куланак ГЭСи, Бала-Саруу ГЭСи ва юзлаб кичик гидроэлектростанциялар каби бир қатор йирик энергетика лойиҳалари қурилиши бошланди. Бизнинг мақсадимиз энергия мустақиллигига эришишдир. Қамбар-Ата ГЭС-1 нинг биринчи босқичи якунланди ва ҳозирда техник-иқтисодий асослашни янгилаш бўйича ишлар олиб борилмоқда. Қирғизистон Қамбар-Ата ГЭС-1 қуради ва минтақадаги энг йирик гидроэнергетика давлатига айланади. Қуёш, шамол ва биогаз технологияларидан фойдаланиш Вазирлар Маҳкамасининг асосий устувор йўналишларидан биридир” — деди Вазирлар Маҳкамаси раҳбари.

Шуни таъкидлаш лозимки, ушбу станция қурилиши Хитойнинг Fortis Кg, Molin Energy компанияси томонидан амалга оширилади. Шунингдек, компания ушбу лойиҳага 400 миллион АҚШ доллари миқдорида сармоя киритишни режалаштирмоқда.