Қырғызстан Министрлер Кабинеті Төрағасының орынбасары Эдиль Байсалов Халықаралық еңбек конференциясының (ХЕҰ) 112-сессиясына қатысты. Конференция барысында ол ХЕҰ бас директоры Жилбер  Унгбомен кездесті.

Э. Байсалов Қырғызстан Үкіметінің Қырғызстанда әлеуметтік-экономикалық прогреске қол жеткізу бойынша қабылдаған шаралары туралы айтып, экономиканың өсуіне, жұмыс күшіне сұраныстың артуына және жалақының өсуіне ерекше назар аударды.

«Қырғызстан бүгінде өзінің сыртқы еңбек мигранттарының санын 300 мыңға жуық адамға қысқарта алды. Біз бүгін олар үшін ел ішінде жұмыс орындарын құрып қана қоймай, Қырғызстан бүгінде халықаралық еңбек мигранттары үшін тартымды орынға айналуда», – деп атап өтті Эдиль Байсалов.

Ол сондай-ақ Өзбекстан Республикасында иммигранттардың құқықтарын қорғау және тиісті еңбек жағдайларын қамтамасыз ету бойынша жұмыстардың қалай жүргізіліп жатқандығы туралы айтты.

Өз кезегінде   Жилбер Унгбо Қырғызстан Үкіметінің ашық диалогқа дайындығын құптап, еңбек жағдайларының стандарттарын арттыру бойынша республикамен ынтымақтастықтың маңыздылығын атап өтті.

Сол күні ХЕҰ Бас директорына Қырғызстанның «Еңбек саласындағы зорлық-зомбылық пен қудалауды жою туралы»190-конвенцияға қосылуы туралы ратификациялау грамотасы берілді.

Қырғызстан Осы Конвенцияға қосылған алғашқы Орталық Азия мемлекеті болды.

Фото: Қырғыз Республикасы Министрлер Кабинетінің ресми сайты