Қырғызстан 2023 жылғы экономикалық дамуын қорытындылады

Қырғыз Республикасы Министрлер Кабинетінің Төрағасы – Қырғыз Республикасы Президенті Әкімшілігінің Басшысы Акылбек Жапаров Қырғыз Республикасы Жогорку Кенешінің (парламент) отырысында 2023 жылғы Үкімет қызметінің экономикалық қорытындылары туралы баяндады және 2024 жылға арналған экономикалық даму жоспарларын белгіледі.

А.Жапаров елдің макроэкономикалық көрсеткіштері тұрақты өсу үстінде екенін атап өтті. 2022 жылы ЖІӨ 9 %-ды құраса, 2023 жылы бұл көрсеткіш 6,2 %-ды құрап, 1 триллионнан астам сомды құрады.

«Біздің экономика соңғы жылдары қалыптасқан және бірте-бірте дамып келе жатқан пост-ковидтік және геосаяси жағдайға бейімделуде. Сонымен бірге, жалпы инфляция процессі 2023 жылы жыл басындағы 14,7%-дан жылдың аяғындағы 7,3%-ға дейін төмендеді. Ал 2024 жылға қарай көрсеткіштер 6,5%-дан 5,5%-ға дейін болжанып отыр. Елімізде экономикалық тұрақтылық сақталуда», — деді министрлер кабинетінің басшысы.