Қырғызстан жетім балаларға қосымша қолдау көрсетеді

Қырғыз Республикасында Президент Жарлығы дайындалып, оған сәйкес толықтай жетім балаларға 18 жасқа толғанда 500 мың сом төленеді.

Қазір Қырғызстанда 1868-ге жуық толықтай жетім бала бар. Олар үшін 2024 жылдан бастап банктерге 270 миллион сом орналастырылады.

«Сіз бен біздің мақсатымыз бір – халқымыздың мүддесін қорғау және әл-ауқатын қамтамасыз ету. Қысқа мерзімді және ұзақ мерзімді жоспарлар бекітілді, олар бойынша жұмыс жүргізілуде», — деп Қырғыз Республикасының Министрлер Кабинетінің Төрағасы — Қырғыз Республикасы Президенті Әкімшілігінің Басшысы Ақылбек Жапаров Жогорку Кенеш (Парламент) отырысында атап өтті. 

Министрлер кабинетінің басшысы сондай-ақ Қарақырғыз автономиялық облысының 100 жылдығын мерекелеу аясында елімізде 100 өнеркәсіптік және 100 әлеуметтік нысан ашылатынын мәлімдеді.