Қырғызстанда оқушылар арасында ақылы олимпиадалар өткізуге тыйым салынды

2024 жылдың сәуір айының басында Қырғыз Республикасының Білім және ғылым министрлігі «оқушылар арасында ақылы олимпиадалар өткізуге тыйым салу туралы» №627/1 бұйрық шығарды.

Осылайша, олимпиадалар жалпы білім беретін ұйымдардың оқушылары арасында Министрліктің бұйрығымен бекітілген ереже негізінде ғана өткізілетін болады.

Білім бөлімдері мен басқармаларының, облыстық әдістемелік білім беру орталықтарының, жалпы білім беру ұйымдарының барлық басшыларына ақылы олимпиадаларды ұйымдастыруға да, өткізуге де тыйым салынады. Жаңа бұйрықты бұзған басшылар жеке жауапкершілікке тартылады.