Қырғызстанда жолдардың сапасы жақсаруда

Үш жылдың ішінде Қырғызстанда 2 мың шақырымнан астам автожол асфальтталды. Бұл туралы Қырғыз Республикасының Қаржы министрлігі хабарлады.

2023 жылы 877 шақырым жолға асфальт төселді. Оның 186 шақырымы жөндеу-қалпына келтіру жұмыстарына, 515,9 шақырымы күрделі қаржыға бөлінсе, тағы 176 шақырымы мемлекеттік инвестиция есебінен жөнделді.

2024 жылы Қырғызстандағы жолдарды асфальттауға 14,6 миллиард сом бөлу жоспарланса, оның 3 миллиардтан астамы наурыз айының соңына дейін игерілді. 2024 жылы 660 шақырым жолға жөндеу-құрылыс жұмыстарын жүргізу жоспарлануда.