Қазақстан Республикасы Индустрия және құрылыс вице-министрі Олжас Сапарбеков Қытай Халық Республикасының ірі мемлекеттік компаниясы «Xinxing Ductile Iron Pipes» бас директорының халықаралық жобалар жөніндегі орынбасары Гао Цзинуомен кездесу өткізді.

«Xinxing Ductile Iron Pipes» компаниясының бас директоры Қазақстанмен ынтымақтастықты дамытып, бірлескен жобаларды жүзеге асыруға ниетті екенін атап өтті.

Компания Қазақстандағы инженерлік желілердің жалпы тозуын азайту мақсатында оларды жаңғыртудың кешенді бағдарламасын жүзеге асырады деп күтілуде. Министрлік «Xinxing Ductile Iron Pipes» компаниясымен жұмыстың шарттары бойынша алдын ала келісуге дайын.

«Xinxing Ductile Iron Pipes» Қытайдағы құбырлар мен фитингтерді құюға, болат балқыту мен илемдеуге, сондай-ақ болат құбырларды арнайы әзірлеуге маманданған ең ірі компаниялардың бірі болып табылады. Компанияның құбыр шығаратын зауыты әлемдегі ең ірі зауыттардың бірі болып табылады.