Өзбекстан Республикасының Ақпараттық технологиялар және коммуникацияларды дамыту министрі Шерзод Шерматов Hong Kong Telecom және Vision Invest компанияларының басшылығымен кездесу өткізді. Тараптар бірлесіп жүзеге асыру жоспарланған жобаларды талқылады, сондай-ақ телекоммуникация саласындағы ұзақ мерзімді жоспарлар туралы әңгімеледі.

Республикада дата орталықтарын бірлесіп салу және осы дата орталықтарына ірі шетелдік IT-компанияларды тарту мәселелері де талқыланды.

Бұған дейін 2024 жылдың қаңтарында Өзбекстан Республикасының Цифрлық технологиялар министрлігі, Vision Invest және Hong Kong Telecom арасында ынтымақтастық туралы меморандумға қол қойылған болатын. Осы меморандумға сәйкес телекоммуникация саласындағы жобалар мен зерттеулерді жүзеге асыру бойынша ұсыныстар тыңдалды.