Ўзбекистон ва Жибутининг БМТ даги доимий вакиллари икки мамлакат ўртасида дипломатик муносабатлар ўрнатиш тўғрисидаги тарихий битимни имзоладилар.

Шарқий Африкада жойлашган Жибути давлати Ўзбекистоннинг дипломатик алоқалар ўрнатган 149-ҳамкорига айланди.

Ўзбекистоннинг БМТ даги доимий вакили Улуғбек Лапасов ва Жибутининг БМТ даги доимий вакили Ламин Дибба 2 Май куни Нью-Йоркда ўз ҳукуматлари номидан қўшма баёнот имзоладилар. Томонлар халқаро ташкилотлар, жумладан, Бирлашган Миллатлар Ташкилоти ва унинг ихтисослашган идоралари доирасидаги ҳамкорликни янада ривожлантиришга тайёр эканликларини билдирдилар.

«Икки томонлама ҳамкорликнинг ўзаро манфаатли йўналишларини излашда ҳамкорликни фаоллаштириш тўғрисида келишувга эришиш томонларнинг қўллаб-қувватлашни чуқурлаштириш истагини намойиш этди», — дейилади расмий баёнотда.

Таъкидлаш жоизки, Ўзбекистон ва Жибути ўртасида дипломатик алоқаларнинг очилиши турли даражадаги дўстона муносабатлар ва ҳамкорликни ривожлантиришга янги туртки беради.

Фото: ИА «Дунё«