Қозоғистон Президенти Қасим-Жомарт Токаев иқтисодиётни монополиядан чиқариш ва сунъий равишда яратилган воситачилик тузилмаларини йўқ қилиш чораларини кўришни буюрди.

Ушбу йўриқномани амалга ошириш доирасида ҳукумат истеъмолчилар учун электр энергиясининг якуний нархини асоссиз равишда ошириб юборадиган воситачиларни истисно қилиш бўйича ишларни бошлади.

1 апрелдан бошлаб, 2004 йилдан бери фаолият юритиб келаётган, корхоналар ва бир қатор бюджет ташкилотлари учун тарифларни мустақил равишда белгилаши мумкин бўлган тартибга солинмаган энергия таъминоти ташкилотларининг иши тўхтатилди. Келгусида электр таъминоти соҳасини минтақавий электр тармоқлари компанияларига ўтказиш режалаштирилган.

Шунингдек, Қозоғистон Республикаси Парламенти Мажилис (Қозоғистон Республикаси Парламентининг Қуйи Палатаси) томонидан биринчи ўқишда тасдиқланган «Иссиқлик энергияси тўғрисида» янги қонун қабул қилиниши кутилмоқда ва бу қонун энергетика бозоридаги компаниялар фаолиятини аниқроқ тартибга солади.

Ушбу чора-тадбирлар юридик шахслар ва бюджет ташкилотлари учун тарифнинг пасайишига олиб келиши кутилмоқда. Янги ўзгаришларнинг натижаси бизнесга юкнинг камайиши ва аҳоли учун тайёр маҳсулотлар нархининг мос равишда пасайиши бўлади. Бу, шунингдек, бюджетни тежашга, енергетика соҳасига инвестицияларни кўпайтиришга ва тежалган маблағларни ижтимоий аҳамиятга эга лойиҳаларга йўналтиришга имкон беради.

Воситачилар ҳисобидан нархларни оширишга қарши курашиш бўйича шу каби ишлар Республика иқтисодиётининг бошқа тармоқларида ҳам давом эттирилади.