6-июнда Өзбекстандын транспорт министри Илхом Махкамов Кытай Эл Республикасына расмий иш сапары менен келип, Пекин шаарында Азия инфраструктуралык инвестиция банкынын жетекчилиги менен жолугушуу өткөрдү.

Тараптар транспорт инфраструктурасын өнүктүрүүдө банктын каржылык колдоосу менен ишке ашырылып жаткан долбоорлорду, ошондой эле кызматташуунун келечектүү багыттарын талкуулашты.

Республиканын транспорттук инфраструктуралык долбоорлоруна кошумча каржылоону тартуу маселеси каралды.

Атап айтканда, Бухара – Мискин – Ургенч – Хива темир жол линиясын электрлештирүү программалары, Бухара облусундагы жолду реконструкциялоо, ошондой эле Өзбекстандын аймактарында коомдук транспортту өнүктүрүү долбоорлору.

Ошондой эле банктын эл аралык транспорт коридорлорун өнүктүрүүгө жана “Кытай – Кыргызстан – Өзбекстан” маанилүү темир жол түйүнүнүн курулушуна катышуу мүмкүнчүлүгү талкууланды.

Азия инфраструктуралык инвестиция банкынын вице-президенти Константин Лимитовский мындай долбоорлорду ишке ашырууда кызматташуу банктын башкы приоритети экенин белгиледи.

Сүрөттө: Өзбекстан Республикасынын Транспорт министрлиги