2025-yil 30-yanvardan boshlab Olimjon Zokirov “Yagona umumrespublika protsessing markazi” AJ (UZCARD) ijrochi direktori vazifasini yakunladi va “UCMG” MCHJ boshqaruv kompaniyasiga o‘tib, u yerda tijorat direktori lavozimini egalladi.

“Yagona umumrespublika protsessing markazi” AJ ijro etuvchi organi vakolatlarini Boshqaruv kompaniyasiga o‘tkazish to‘g‘risidagi qaror 2024-yil 12-avgustda qabul qilingan edi. Bundan buyon UZCARD manfaatlarini “UCMG” MCHJ Bosh direktori David Melikidze ifodalaydi.