1-maydan boshlab O‘zbekistonda xalqaro pochta jo‘natmalari uchun bojxona yig‘imi undiriladi. Vazirlar Mahkamasining qaroriga ko‘ra, har bir kilogramm yuk uchun BHMning 2 foizi miqdorida to‘lov amalga oshirilishi lozim. Yangi qoidalar Wildberries, Ozon, Temu, AliExpress, Amazon, shuningdek Turkiya va AQShdagi do‘konlardan buyurtma qilingan mahsulotlarga tatbiq etiladi.

Yig‘im yaxlitlash usulida hisoblanadi: agar jo‘natma og‘irligi 0,1 dan 1,4 kg gacha bo‘lsa, u 1 kg deb, 1,5 kg bo‘lsa esa 2 kg deb hisoblanadi.

Qiymati 10 000 dollargacha bo‘lgan tovarlar uchun BHMning 1 baravari miqdorida qat’iy belgilangan summa o‘rnatilgan, agar qiymati 1 million dollardan oshsa, yig‘im 25 BHMni tashkil etadi.