O‘zbekistonda 1-martdan boshlab palma yog‘i va tarkibida transyog‘lar bo‘lgan mahsulotlarning majburiy laboratoriya sinovlari joriy etiladi. Bu talab Prezidentning 30-yanvardagi qarorida belgilangan.

Bundan buyon palma yog‘i, shuningdek, yog‘ kislotalari transizomerlari, jumladan, sut va sut mahsulotlarini o‘z ichiga olgan tovarlarni mamlakatga olib kirish uchun sanitariya-epidemiologik xulosa olishda ularni akkreditatsiyadan o‘tgan laboratoriyalarda sinovdan o‘tkazish talab etiladi.

Nazorat mamlakat ichkarisida ham kuchaytiriladi. Nazorat organlari oziq-ovqat mahsulotlarini ishlab chiqarish, tashish, saqlash va sotish bilan shug‘ullanuvchi korxonalarda tekshiruvlar o‘tkazadi. Bu tekshiruvlar amaldagi texnik reglamentlar va standartlarga muvofiq amalga oshiriladi.