O‘zbekiston chegara punktlarida fuqarolarga navbatsiz chegaradan o‘tish imkonini beruvchi Fast-Track xizmati yo‘lga qo‘yiladi. Bu haqda Adliya vazirligi ma’lum qildi. Xizmatdan foydalanish uchun Bojxona qo‘mitasi veb-sayti yoki elektron to‘lov tizimlari orqali oldindan ariza topshirish lozim. Fast-Track’ni tanlagan yo‘lovchilar alohida hududda nazoratdan o‘tadi, bu esa jarayonni sezilarli darajada tezlashtiradi.

Xizmat narxi har bir voyaga yetgan yo‘lovchi uchun rasmiylashtirish kunidagi bazaviy hisoblash miqdorining 15 foizini tashkil etadi.

Bundan tashqari, “Elektron navbat” tizimi joriy etilmoqda. Bu tizim orqali haydovchilar Bojxona qo‘mitasining rasmiy veb-saytida yoki maxsus kutish joylarida chegaradan o‘tish uchun navbatga yozilishlari mumkin bo‘ladi.