5-fevraldan boshlab Rossiyada mamlakatda noqonuniy ravishda bo‘lib turgan chet el fuqarolarini chiqarib yuborish bo‘yicha yangi migratsiya tartibi amal qila boshladi. Unga ko‘ra, bunday shaxslar chiqarib yuborilguniga qadar nazorat ostidagilar ro‘yxatiga kiritiladi. Ular uchun ma’lum cheklovlar joriy etiladi, jumladan, ichki ishlar organlarining ruxsatisiz yashash joyini o‘zgartirish, yashash hududidan tashqariga chiqish, transport vositalarini boshqarish, ko‘chmas mulk sotib olish va bank xizmatlaridan foydalanish taqiqlanadi.

Rossiya Federatsiyasi Ichki ishlar vazirligi tushuntirishicha, ro‘yxatga vaqtincha bo‘lish muddati tugagan chet el fuqarolari, shuningdek, qochoq yoki vaqtinchalik boshpana maqomidan mahrum etilgan shaxslar to‘g‘risidagi ma’lumotlar kiritiladi. Bu ro‘yxatga Rossiyada 72 soatdan ortiq bo‘lgan kruiz kemalari yo‘lovchilari, shuningdek, mamlakatda yashash uchun qonuniy asoslarsiz Rossiya fuqaroligini yo‘qotgan chet elliklar ham kiritiladi.

Muhojirga nisbatan belgilangan cheklovlar bir necha marta buzilgan taqdirda, uni deportatsiya qilish va IIVning maxsus muassasasiga joylashtirish to‘g‘risida qaror qabul qilinishi mumkin. Shuningdek, ro‘yxatga kirishi rad etilgan, ma’muriy chiqarib yuborish tayinlangan yoki deportatsiya to‘g‘risida qaror chiqarilgan shaxslar ham kiritiladi.