2025-yil 1-maydan boshlab O‘zbekiston soliq organlari soliq qonunbuzarliklari aniqlangan taqdirda tadbirkorlarning bank hisobvaraqlari bo‘yicha operatsiyalarni to‘xtatib qo‘yish huquqiga ega bo‘ladi. Bunday chora-tadbir prezident Shavkat Mirziyoyevning ‘Fuqarolar va tadbirkorlik subyektlari huquqlarini sud orqali himoya qilishning zamonaviy mexanizmlarini joriy etishga oid qo‘shimcha chora-tadbirlar to‘g‘risida‘gi qarorida nazarda tutilgan.

Agar tadbirkor qonunbuzarlik faktini tan olsa, soliq organlari uning hisobvaraqlarini sud qarorisiz bloklash huquqiga ega bo‘ladi. Biroq, rozi bo‘lmagan taqdirda, tadbirkor e’tiroz bildirishi mumkin, shundan so‘ng bloklashning keyingi taqdiri faqat sud tartibida hal etiladi.

Ushbu tashabbusni amalga oshirish uchun Soliq kodeksiga tegishli o‘zgartirishlar kiritiladi. Hozirgi paytda soliq xodimlari, agar kompaniyalar belgilangan muddatdan so‘ng o‘n kun ichida soliq hisobotlarini topshirmasalar, ularning hisobvaraqlari bo‘yicha operatsiyalarni to‘xtatib qo‘yishlari mumkin. Biroq, bunday bloklashning maksimal muddati o‘n kun bilan cheklangan va uni faqat sud qarori bilan uzaytirish mumkin.