6 июн куни Ўзбекистон Tранспорт вазири Илхом Махкамов расмий ташриф билан Хитой Халқ Республикасига келди ва у ерда Пекин шаҳрида Осиё инфратузилма инвестициялари банки раҳбарияти билан учрашув ўтказди.

Томонлар банкнинг молиявий кўмаги билан транспорт инфратузилмасини ривожлантириш соҳасида амалга оширилаётган лойиҳалар, шунингдек, ҳамкорликнинг истиқболли йўналишларини муҳокама қилдилар.

Республиканинг транспорт инфратузилмаси лойиҳаларига қўшимча молиялаштиришни жалб қилиш кўриб чиқилди. Хусусан, Бухоро-Мискин-Урганч–Хива темир йўл линиясини электрлаштириш, Бухоро вилоятида автомагистрални реконструкция қилиш дастурлари, шунингдек, Ўзбекистон ҳудудларида жамоат транспортини ривожлантириш лойиҳалари.

Банкнинг халқаро транспорт коридорларини ривожлантириш ва муҳим «Хитой–Қирғизистон–Ўзбекистон»  темир йўл узелини қуришда иштирок этиш имкониятлари алоҳида муҳокама қилинди.

Осиё инфратузилма инвестициялари банки Вице-президенти Константин Лимитовский бундай лойиҳаларни амалга оширишда ҳамкорлик қилиш банкнинг устувор вазифаси эканлигини таъкидлади.

Сурат: Ўзбекистон Республикаси Tранспорт вазирлиги