O‘zbekistonda yangi qonunga ko‘ra, 40 va undan ortiq marta qon topshirgan donorlar jamoat transportida (marshrutka bundan mustasno) bepul yurish huquqiga ega bo‘ladi.

Biroq, donatsiyalar orasidagi belgilangan muddat (erkaklar uchun har 2 oyda, ayollar uchun har 3 oyda bir marta) hisobga olinganda, ushbu imtiyozni qo‘lga kiritish uchun erkaklarga kamida 6,5 yil, ayollarga esa 10 yil kerak bo‘ladi.

Imtiyozning qanday amal qilishi va bepul yo‘l haqi qancha muddatga berilishi hozircha noma’lum. Ammo bularning barchasi kimningdir hayotini saqlab qolishi mumkin bo‘lgan qon donorligining ahamiyatini kamaytirmaydi.

Ilgari xabar berganimizdek, “O‘zbekiston Respublikasi faxriy donori” ko‘krak nishoni sohiblariga beriladigan bir martalik pul mukofoti miqdori eng kam ish haqining besh baravaridan o‘n besh baravarigacha oshirildi.

Manba: https://caravan-info.uz/