ER — RIAD, 15 сәуір 2025 жыл — Karavan Info ақпараттық агенттігі.Эр-Риядта өткен халықаралық жаһандық білім көрмесі аясында Өзбекәлі Жәнібеков атындағы Оңтүстік Қазақстан университеті мен Король Халид университеті (Сауд Арабиясы) алғаш рет өзара түсіністік туралы меморандумға қол қойды.
Келісім екі университет арасындағы ғылыми және академиялық ынтымақтастықты нығайтуға бағытталған және бірлескен ғылыми зерттеулерді, оқытушылар мен студенттерді алмасуды, білім беру бағдарламаларын жетілдіруді және халықаралық жобаларды жүзеге асыруды көздейді.
Тарих және дінтану мамандықтары бойынша қос дипломдық бағдарламаларды іске қосу, мұғалімдердің өзара тағылымдамадан өтуін ұйымдастыру, бірлескен ғылыми зерттеулер жүргізу туралы келісімдерге қол жеткізілді.
Бұл серіктестік стратегиялық сипатқа ие болады және Таяу Шығыс пен Орталық Азия арасындағы мәдениетаралық алмасуға ықпал етеді деп күтілуде.
Фото: Қазақстан Республикасы Ғылым және жоғары білім министрлігі