АЛМАТЫ, 15 сәуір 2025 жыл – Караван Инфо ақпараттық агенттігі.Білім министрі Ғани Бейсембаев инклюзия бойынша бірінші дүниежүзілік конгресс 2025 жылдың күзінде Алматыда өтетінін хабарлады.

Конгресске шет мемлекеттердің білім министрлері мен инклюзивті және арнайы білім беру саласындағы халықаралық сарапшыларды шақыру жоспарлануда.

Министр инклюзивті білім беруді дамыту мемлекеттік саясаттың басым бағыты болып табылатынын, соңғы бір жылда бұл салада бірқатар нормативтік құқықтық актілер қабылданғанын атап өтті.

«Қолжетімді білім беру ортасын құру – тең мүмкіндіктерді қамтамасыз етудің негізі», — деп атап көрсетті Ғани Бейсембаев.

Фото: Қазақстан Республикасы Білім министрлігі