Өзбекстан Кыргызстан менен чек арасында эркин экономикалык аймак түзөт. Мындай буйрукту президент Шавкат Мирзиёев берди.

Мирзиёевдин айтымында, жыл сайын Анжиян облусунан коңшу республикага 200 миллион долларлык продукция экспорттолот. Ушуга байланыштуу соода жүгүртүүнү кеңейтүү үчүн адистештирилген аймактарды уюштуруунун мааниси бар.

Өзбекстандын президенти Кургантепа жана Ходжаабад шаарларында мындай участоктордун варианттарын карап чыгууну сунуштады.

Өзбекстандын башчысы ошондой эле «Дустлик» өткөрмө бекетиндеги кезек күтүүнү жоюуну жана Өзбекстан-Кыргызстан-Кытай темир жолун ишке киргизүүгө өлкөнүн даярдыгын баалоону талап кылды.