18-апрель күнү ОшМУнун клиникасында эки жаңы заманбап интенсивдүү терапия жана рентген эндоваскулярдык хирургия бөлүмдөрүнүн расмий ачылышы жана ишке киргизүү аземи болуп өттү.

Бул бөлүмдөрдө жүрөк оорулары, инсульт, мээ кан тамыры бузулган, буту ооруп же шишип ооругандардын кан тамырларынын абалын аныктоо үчүн ангиография, ал эми онкологияда шишиктердин кан менен камсыз болушун изилдөө үчүн колдонулат.

Ангиограф – кан тамырларын, жүрөктүн жана мээнин кан тамыр системасын изилдөө үчүн колдонулуучу жогорку тактыктагы медициналык аппарат. Бул аппарат заманбап медицинанын ажырагыс бөлүгү болуп саналат. Бул бейтаптардын ооруларын эрте аныктоого жана натыйжалуу дарылоого жол ачат. Бул кардиология, нейрохирургия жана онкология тармактарында өзгөчө маанилүү ролду ойнойт.

ОшМУнун жетекчилигинин айтымында, бул бөлүмдөрдүн ачылышы университеттин клиникалык базасын чыңдоого жана медициналык билим берүүнүн сапатын жогорулатууга чоң салым кошот. Ошондой эле медициналык студенттерге практикалык көндүмдөрүн тереңдетүү мүмкүнчүлүгүн берет. Ангиография аппараты клиниканын эсебинен алынган.

Жаңы бөлүмдөрдүн ачылышы облуста медициналык кызмат көрсөтүүнүн сапатын жогорулатууга жана бейтаптарга натыйжалуу жардам көрсөтүүгө багытталган.