Кыргыз Республикасынын Саламаттык сактоо министрлигине караштуу Милдеттүү медициналык камсыздандыруу фонду (CHIF) жана DK Consulting (Корея Республикасы) кызматташууну бекемдөө жана Кыргыз Республикасында милдеттүү медициналык камсыздандыруу системасын жакшыртуу максатында өз ара түшүнүшүү жөнүндө меморандумга кол коюшту.

Тараптар Кыргыз Республикасынын улуттук медициналык камсыздандыруу системасынын башкы планын иштеп чыгууга багытталган иш-чаралардын комплексин ишке ашырууга макулдашышты.

Меморандумдун жоболоруна ылайык, тараптар төмөнкү багыттар боюнча кызматташууну пландаштырууда:

• Милдеттүү медициналык камсыздандыруу системасын өркүндөтүү боюнча жол картасын жана комплекстүү планын иштеп чыгуу, анын ичинде пилоттук долбоорлордун негизги планын даярдоо;
• KOICA, KOFIH жана башка эл аралык уюмдардын колдоосу менен Кыргыз Республикасынын айрым аймактарында же шаарларында пилоттук долбоорлорду ишке ашыруу;
• Милдеттүү медициналык камсыздандыруу жана аны санариптештирүү чөйрөсүндө ММК фондунун адистерин окутуу программаларын жана квалификациясын жогорулатууну уюштуруу;
• Клиникалык диагностикалык стандарттарды иштеп чыгуу, камсыздандыруу төлөмдөрүн баалоо, финансылык башкаруу жана камсыздандыруу системасын санариптештирүү үчүн программалык камсыздоону ишке ашыруу боюнча Корея Республикасынан эксперттик консультацияларды берүү.

Меморандумга кол коюу Кыргыз Республикасынын милдеттүү медициналык камсыздандыруу системасына алдыңкы эл аралык тажрыйбаны киргизүү үчүн стимул болот, деп белгилейт ведомстводон.