Кыргызстандын президенти Садыр Жапаров кардинал Кевин Фаррелге Рим папасы Францисктин каза болгонуна байланыштуу көңүл айтуу телеграммасын жөнөттү.

«Улуу Урматтуу Рим Папасы Францисктин каза болгондугу тууралуу кайгылуу кабарды терең кайгыруу менен кабыл алдым.Сизге жана Ыйык Тактыга жана бардык католиктериңизге Кыргыз Республикасынын элинин атынан жана жеке өзүмдүн атымдан чын жүрөктөн көңүл айтам жана сиздердин кайгыңыздарды тең бөлүшөм.

2024-жылдын 4-октябрында Ватикан шаарында Улуу Урматтуу Рим Папасы Франциск менен болгон жолугушуумду жылуу сезим менен эстейм. Ал киши Рим Папасы Франциск гуманизмди, сабырдуулукту, кечиримдүүлүктү, кайрымдуулукту жана мамлекеттер ортосундагы өз ара түшүнүшүүнү жайылтууга олуттуу салым кошуп, дүйнөлүк тарыхта өчпөс из калтырды», — деп айтылат мамлекет башчысынын телеграммасында.