Казакстан Парламентинин Мажилисинин Төрагасы Ерлан Кошанов делегациянын башында Түркия Улуу Улуттук Жыйынынын Төрагасы Нуман Куртулмуштун чакыруусу менен Түркияга расмий сапар менен барды.

Анкарада тараптар стратегиялык өнөктөштүк жана парламенттер аралык байланыштарды өнүктүрүү маселелерин талкуулашты. Эрлан Кошанов кесиптешин Түркия парламентинин 105 жылдык мааракеси менен куттуктап, эки өлкөнүн ортосундагы бекем тарыхый байланыштарды баса белгиледи.

Сүйлөшүүнүн негизги темасы мыйзам чыгаруу тармагындагы кызматташтыкты кеңейтүү болду. Июнь айында Астанада Казакстандын төрагалыгы алдында өтө турган Түрк мамлекеттеринин Парламенттик ассамблеясынын алкагындагы кызматташтык тууралуу да сөз болду.

Делегация Аниткабир мемориалдык комплексине зыярат кылып, Мустафа Кемал Ататүрккө таазим кылышты.

Сүрөт: Ачык булактар