Ярослав Нилов, раиси Кумитаи кор, сиёсати иҷтимоӣ ва собиқадорони Думаи давлатии Русия қасд дорад тарҳи қонунеро дар бораи маҳдуд кардани кӯшишҳои имтиҳони кӯдакони муҳоҷир барои донистани забони русӣ пешниҳод кунад, хабар медиҳад ТАСС.

Гуфта мешавад, аз 1 апрел дар Русия фарогирии фарзандони муҳоҷироне, ки забони русиро намедонанд, ба мактабҳо мамнӯъ шудааст. Барои санҷиши донистани забон дар муассисаҳои таҳсилоти умумӣ санҷишҳои дахлдор гузаронида мешаванд. Дар сурати ба даст овардани натиҷаҳои ғайриқаноатбахш, санҷиши такрорӣ иҷозат дода мешавад.

Ба гуфтаи Нилов, дар ҳоли ҳозир шумораи умумии кӯшишҳо барои гузаштан аз санҷиш маҳдудият вуҷуд надорад. Вай ҳамчунин қайд кард, ки чунин санҷиш барои шаҳрвандони хориҷӣ ройгон гузаронида мешавад.

«Пешниҳод карда мешавад, ки кӯшишҳои санҷиши дониши забони русӣ дар тӯли ду сол паиҳам маҳдуд карда шавад, ки дар натиҷа шаҳрванди хориҷӣ аз ҳуқуқи аз худ кардани барномаҳои таълимии таҳсилоти ибтидоии умумӣ, асосии умумӣ ва миёнаи умумии таҳсилоти миёнаи умумӣ маҳрум мегардад», – гуфта мешавад дар шарҳи лоиҳаи қонун.

Нилов бар ин бовар аст, ки бо ин роҳ фарқияти синну соли байни хонандагонро бартараф кардан мумкин аст. Вай тавзеҳ дод, ки дар ҳоле ки шаҳрванди хориҷӣ забони русиро меомӯзад, дар мактаб барномаи таълимии асосиро аз худ карда наметавонад. Аз ин ру, вакте ки забони русиро азхуд карда, ба мактаби русй дохил мешавад, аз хамсинфонаш калон мешавад.

Депутат таъкид кард, ки машгулият бояд дар шароити кулай ва бехатар гузарад. Ба гуфтаи ӯ, тафовути синну соли яксола дар гурӯҳи кӯдакон то ҳол он қадар назаррас нест, аммо фарқияти ду сол ва бештар аз он аллакай ҳам барои худи хонандагон ва ҳам барои ҳайати омӯзгорон нороҳат аст.

Илова бар ин, тавре Нилов қайд кард, агар шаҳрванди хориҷӣ ду сол забони русиро намедонад, пас дар ин муддат ӯ ба ҷомеаи Русия ворид нашудааст.