Qirg‘izistonning Qatar Davlatidagi elchisi Marat Nuraliev Qatar transport vaziri Shayx Muhammad bin Abdulla Ol Tani bilan uchrashdi.

Qirg‘iziston Tashqi ishlar vazirligi matbuot xizmati xabariga ko‘ra, tomonlarning uchrashuvi 22 aprel kuni Doha shahrida bo‘lib o‘tgan.

Uchrashuvda tomonlar Qirgʻiziston-Qatar hamkorligi kun tartibidagi asosiy masalalarga toʻxtalib, yaqin kelajakda mamlakatlar oʻrtasida toʻgʻridan-toʻgʻri aviaqatnovlarni ochish imkoniyatlarini ham muhokama qildilar.

Bundan tashqari, tomonlar ikki mamlakat transport vazirliklari o‘rtasida hamkorlikni yo‘lga qo‘yishga qaratilgan bazaviy bitimlar loyihalari yuzasidan fikr almashdilar.

Uchrashuv yakunida tomonlar muzokaralar davomida erishilgan kelishuvlarni kelgusida amalga oshirish uchun yaqin aloqalarni davom ettirishga kelishib oldilar.