Ватикандын маалыматына караганда, маркум Рим папасы Францисктин урматына 250 миңден ашуун адам көчөгө чыкты. Алар Ыйык Петр аянтын, ошондой эле Via della Conciliazione жана ага чектеш аллеяларды толтурушту.

Ватиканга Рим папасы Францискти акыркы сапарга узатуу зыйнатына элүүдөн ашык мамлекет башчылары жана онго жакын таажы кийген жетекчилер келишти.

Маркумду акыркы сапарга узатуу зыйнатына чейин АКШнын президенти Дональд Трамп жубайы Меланиянын коштоосунда Рим папасы Францисктин табытында Украинанын президенти Владимир Зеленский, Франциянын президенти Эммануэль Макрон, Бразилиянын президенти Луис Инасио Лула да Силва жана Аргентинанын президенти Хавьер менен бирге Папа Францискке таазим кылды.

Ватикандагы понтификти акыркы сапарга узатуу зыйнатына келген дүйнөлүк лидерлердин арасында Еврокомиссиянын башчысы Урсула фон дер Лейен, Индиянын президенти Драупади Мурму, Венгриянын премьер-министри Виктор Орбан, Италиянын премьер-министри Джорджия Мелони жана башкалар бар.

Папаны акыркы сапарга узатуу зыйнатына Испаниянын королу Фелипе VI жана королева Летиция, Уэльс ханзаадасы Уильям, Монако принц Альберт II принцесса Шарлин, Бельгиянын королу Филипп ханышасы Матильда менен катышты.

Инжилден кийинки насаат же кайрылуу дээрлик 20 мүнөткө созулуп, Папанын жашоосундагы урунттуу учурларга толгон.

Кээде бул абдан саясий көрүнгөн, айрыкча элдин арасында ким бар экенин эске алганда. Кардинал Папанын «дубалдарды эмес, көпүрөлөрдү куруу» чакырыгы жана анын мигранттарга боорукердиги тууралуу айтты.

Чогулгандар аземди угуп жатканда, биринчи кол чабуулар кардинал Рим папанынын биринчи чет өлкөгө сапарын айтып, Италиянын Лампедуза аралына барып, качкындар жана мигранттар менен жолугуп, колдоо көрсөткөндө болду.

Би-Би-Синин кабарчысы Лаура Гоцци Ыйык Петр аянтынан кабарлагандай, кардинал согуштарды токтотуу зарылчылыгы жөнүндө айтканда узакка созулган кол чабуулар болду.

Бирок, анын айтымында, мамлекет башчылары кол чапкан жок.

Бирок кардинал Рим папасынан биз үчүн дуба кылуусун суранганда алар кол чаап жиберишти.

Маркумду акыркы сапарга узатуу зыйнаты Ыйык Петр аянтына чогулгандардын тынч кол чабуулары менен аяктады.

Папанын табытын кайра Ыйык Петр соборуна алып барышты. Андан соң Римдеги Санта-Мария Маджиор соборуна коюлганга чейин Рим папанынын табытын акыркы жолу көрүшү үчүн көчөлөрдө жүрүш өтөт. Папанын табытын көчөлөрдө ташып жүрүшөт. Ал Popemobileде жана көчө бойлой элди айдап баратат.

Понтификтин руханий эркине ылайык, акыркы сапарга узатуу зыйнатынан кийин анын сөөгү Римдин борборундагы Санта-Мария Маджоре базиликасына өткөрүлөт. Көмүлүөхтээх ыалдьыттар ыарыһахтар; азем саат 14:00дө (Бишкек убактысы боюнча 18:00) аякташы керек. Маркумду акыркы сапарга узатуу зыйнатына кеткен чыгымдар Рим папасы Франциск атын атабаган кайрымдуулук кылуучу тарабынан каржыланат.