Turkiya Respublikasi Buyuk Millat Majlisi raisi Numan Kurtulmush 27 aprel kuni rasmiy tashrif bilan Qirgʻizistonga keladi.Bu haqda parlament matbuot xizmati xabar qildi.

29 aprelga qadar davom etadigan rasmiy tashrif doirasida Numan Kurtulmush Jogorku Kenesh spikeri Nurlanbek Turg‘unbek uulu bilan ikki tomonlama muzokaralar o‘tkazadi.

Uchrashuv yakunlari boʻyicha parlamentlararo aloqalarni rivojlantirishga qaratilgan hujjat imzolanishi kutilmoqda.

Bundan tashqari, Turkiya parlamenti spikeri bilan bir qator oliy darajadagi uchrashuvlar rejalashtirilgan.

Eslatib o‘tamiz, Turkiya Buyuk Millat Majlisi raisi Numan Kurtulmush ilk rasmiy tashrifini Qirg‘izistonga amalga oshiradi.