O‘zbekiston tashqi ishlar vaziri Markaziy Osiyo – Xitoy formati tashqi ishlar vazirlarining VI uchrashuvida ishtirok etdi, Qozog‘istonning Olmaota shahrida bo‘lib o‘tdi.

Uchrashuvdan koʻzlangan asosiy maqsad mintaqaviy hamkorlikni mustahkamlash, savdo-iqtisodiy aloqalarni kengaytirish va umumiy chaqiriqlarga birgalikda javob topish masalalarini muhokama qilishdan iborat boʻldi.

Tomonlar mintaqaviy xavfsizlik va iqtisodiy integratsiyani mustahkamlash zarurligi to‘g‘risida umumiy fikrga keldi. Infratuzilma loyihalari, transport-kommunikatsiya tarmoqlarini rivojlantirish, shuningdek, ekologik va madaniy-gumanitar sohalarda o‘zaro hamkorlikni faollashtirish muhimligiga alohida e’tibor qaratildi.

O‘zbekiston tashqi ishlar vaziri Baxtiyor Saidovmamlakat Markaziy Osiyo davlatlari va Xitoy bilan har tomonlama hamkorlikni yanada chuqurlashtirish, o‘zaro ishonchni mustahkamlash va mintaqaning barqaror rivojlanishini ta’minlash tarafdori ekanini ta’kidladi.

– Yig‘ilishda ilgari surilgan tashabbuslar umumiy farovonlikni oshirishga xizmat qiladi, deb o‘ylaymiz.— deb qayd etdi Baxtiyor Saidov ijtimoiy tarmoqlarida.