Алматы, 5 сәуір 2025 жыл – Караван Инфо ақпараттық агенттігі.Алматыда жастар саясаты мәселелері басқармасының қолдауымен қалалық волонтерлердің ұйымдастыруымен «Ашық аспан астындағы фильмдер көрсетілімі» атты жаңа мәдени жоба басталды. Бұл бастама қала тұрғындары үшін ашық аспан астында атмосфералық кештер құруға және қазақстандық кинематографияның үздік туындыларын қалың көрермен арасында кеңінен насихаттауға бағытталған.

Жобаның бірегейлігі Алматының сегіз ауданында өтетін отандық фильмдердің апта сайын тегін көрсетілуінде. Қалалық волонтерлар фронт-офисінің басшысы Бағдат Анарбаеваның айтуынша, бұл жай ғана кино көрсетілімі емес, қарым-қатынас, мәдени алмасу және ұлттық киноға құрмет көрсету алаңы. Ұйымдастырушылар мұндай шаралар адамдар арасындағы байланысты нығайтып, шабыттандырып, қаланы жылы әрі жайлы ете түсетініне сенім білдірді.

Алматылықтар ашық аспан астындағы фильмдер көрсету идеясын қызу қабылдады. Көпшілік, әсіресе жастар үшін мұндай кештер шабыт көзі, жаңа адамдармен танысып, бос уақытын пайдалы өткізу мүмкіндігіне айналады.

Фото:Алматы қаласының әкімдігі