5-майда Ысык-Көлдүн түштүк жээгиндеги кооз Сказка каньонунан ULTRA ISSYK-KUL 2025 эл аралык ультрамарафону башталды.

Бул уникалдуу спорттук иш-чара экстремалдык спортту жана жаратылышты сүйүүчүлөрдү гана бириктирбестен, Кыргызстандын туристтик потенциалын дүйнөлүк аренада жигердүү таанытууга да салым кошот.

Марафон 10-майга чейин созулуп, өлкөдөгү эң кооз маршруттардын биринде өтөт. Бир нече күндүн ичинде катышуучулар тоо жолдорун, көл жээктерин жана каньондорду бойлой жүздөгөн километр жол басып, укмуштуудай көрүнүштөрдөн жана жергиликтүү элдин меймандостугунан ырахат алышат.

2025-жылы марафонго Улуу Британия, Түштүк Африка, Германия, Россия, Белоруссиядан келген спортчулар катышат жана алардын баары Кыргызстанга, анын табиятына, маданиятына жана каада-салтына чын жүрөктөн ашык болгон чет элдик туристтер. Алардын катышуусу биздин өлкө жигердүү жана спорттук туризм үчүн жагымдуу өлкөгө айланып баратканынын айкын далили.

Туризмди өнүктүрүүнү колдоо фонду мындай иш-чараларды өткөрүү Кыргызстандын туруктуу туристтик имиджин түзүүгө, инвестиция тартууга жана өлкөнүн уникалдуу жаратылыш жерлерин эл аралык деңгээлде таанытууга карай маанилүү кадам деп эсептейт. Биз ULTRA ISSYK-KUL 2025 биздин жерибизде өтүп жатканы менен сыймыктанабыз жана Кыргызстанды дүйнөгө саякатчылар сүйгөн эркин, меймандос жана шыктандыруучу катары ачып берип жатканы менен сыймыктанабыз», – деп белгилейт департаменттен.