Irkutsk viloyati hukumati oʻzbek ishlab chiqaruvchilari uchun “Savdo uylari” deb nomlangan maxsus savdo-logistika markazlarini yaratish ustida faol ishlamoqda. Loyihadan koʻzlangan maqsad logistikani soddalashtirish va Oʻzbekiston mahsulotlarini Rossiyaga eksport qilish imkoniyatlarini kengaytirishdan iborat. Irkutsk viloyati iqtisodiy rivojlanish va sanoat vazirining oʻrinbosari Marina Petrova mintaqa aholisining eng katta talabi Oʻzbekistonda ishlab chiqarilayotgan oziq-ovqat va xalq isteʼmoli tovarlariga, xususan, toʻqimachilik mahsulotlariga boʻlganini taʼkidladi. Savdo-logistika markazlarining tashkil etilishi yetkazib berishda vositachilar sonini qisqartiradi, mahsulotlarni saqlash uchun omborlar mavjudligini ta’minlaydi va buning natijasida o‘zbek tovarlari xaridorlar uchun qulay bo‘ladi. Petrovaning soʻzlariga koʻra, Oʻzbekiston tomoni Irkutsk viloyati bilan ham hamkorlikni rivojlantirishdan manfaatdor. Qishloq xoʻjaligini rivojlantirish Oʻzbekiston uchun ustuvor yoʻnalishlardan biri boʻlib, Irkutsk viloyati bozori oʻzbek ishlab chiqaruvchilari uchun juda istiqbolli koʻrinadi. Loyihaning amalga oshirilishi O‘zbekiston va Irkutsk viloyati o‘rtasidagi savdo-iqtisodiy aloqalarni mustahkamlaydi, biznesni rivojlantirish uchun yangi imkoniyatlar yaratadi, iste’molchilar uchun tovar turlarini kengaytiradi.