2025-жылдын 15-майында Евразия экономикалык биримдиги (ЕАЭБ) менен Ирандын ортосундагы эркин соода келишими күчүнө кирет. Тегеран документ экономикалык кызматташтыкты тереңдетүү үчүн жаңы мүмкүнчүлүктөрдү ачат деп ишенет.

Ирандын Тышкы иштер министрлигинин басма сөз катчысы Исмаил Багайи келишимди ишке ашыруу Иран менен ЕАЭБ өлкөлөрүнүн ортосундагы сооданын олуттуу өсүшүнө алып келерин баса белгиледи.

«Биз кызматташтыктын натыйжалуулугун жогорулатуу үчүн биримдиктин ар бир өлкөсүнүн мүмкүнчүлүктөрүн максималдуу түрдө пайдаланууга ниеттенип жатабыз», – деди дипломат.

Ал ошондой эле ЕАЭБ региондогу экономикалык жана соода байланыштарын кеңейтүү платформасы катары Иран үчүн өзгөчө баалуу экенин белгиледи.