13 мамырда Президент Шавкат Мирзиеев Өзбекстандағы жол шаруашылығындағы заманауи және тиімді көлік желісін құруға бағытталған жоспарлар мен жобалар туралы тұсаукесерді қарады.

Ағымдағы жылы 7 мың шақырым жалпы пайдаланымдағы жолдар мен 231 көпір салу және жөндеу, 13 мың шақырым қара жолға қиыршық тас төсеу, 400 шақырым жолды цемент-бетон жамылғымен төсеу, автомобиль жолдарының бойында 72 жол сервисі кешенін құру жоспарлануда.

Осы ауқымды жобаларды жүзеге асыру үшін халықаралық қаржы институттарынан қаражат тартылуда.

Жолдарды сапалы күтіп-ұстауға, жол бойындағы инфрақұрылымды дамытуға және тұрғындарға қолайлы жағдай жасауға ерекше көңіл бөлінуде. Заманауи талаптар, қоғамдық пікір мен экологиялық қауіпсіздік мәселелері ескерілетін «Автомобиль жолдары туралы» Заңның жаңа редакциясы бойынша да жұмыстар жүргізілуде.

Жоспарларға ақылы жол механизмін енгізу және ірі көліктердің қозғалысын реттеу де кіреді.