Өзбекстанның жеміс-көкөніс өнімдері жақын арада Швеция, Норвегия және Даниядағы дүкен сөрелерінде пайда болуы мүмкін. Экспортпен айналысатын өзбекстандық кәсіпкерлер делегациясы осы елдерге барып, жергілікті компаниялармен және сауда желілерімен келіссөздер жүргізді.

Өзбекстан Республикасы Елшілігінің бастамасымен «Universal Freezen Foods», «Uzterminal» және «Baltic Shipping» компанияларының өкілдері «Matvärlden», «Food Collective Company», «Alwaid», «Qlok Bygg AB», «Exotic Fruits Company» компанияларымен кездесіп, өзбек өнімдерін ілгерілету жөнінде келісімдерге қол жеткізді.

Атап айтқанда, кептірілген лағман, мұздатылған шие, қара өрік, брокколи, сондай-ақ анар, қауын, шие сияқты мұздатылған және оралған жемістер мен көкөністерді жеткізу талқыланды. Сонымен қатар, Швеция мен Норвегияда сауда үйлерін (шоу-румдарын) құру жоспарлануда.