МОСКВА, 16-май, 2025-жыл — АА Караван инфо.Рим папасы Лео XIV өзүн Орусия менен Украинанын ортосунда ортомчу катары сунуштап, Ватикан кан төгүүнү токтотуу үчүн колунан келгендин баарын кылууга даяр экенин билдирди.

"Ыйык Так душмандардын жолугуп, бири-биринин көзүн карап, элдердин кадыр-баркын калыбына келтирүүгө жардам берүүгө даяр. Эгерде биз татыктуу жашасак, заман жакшы болот. Биз ушул убактардабыз", – деди Рим папасы.

Понтификтин Украинанын президенти Владимир Зеленский менен жолугушуусу 18-майга белгиленген.

Сүрөт: ачык булактардан.