Ош шаарынын мэри Жеңишбек Токторбаевдин тапшырмасы менен Жолон Мамытов атындагы аллеядагы курулуш иштери акыркы стадиясына жетти.

Көрктөндүрүү иштеринин алкагында эски тосмолор демонтаждалган, заманбап брусчатка төшөлгөн, жөө жүргүнчүлөр жана веложолдор курулган. Мындан тышкары түнкү жарыктандыруу системалары жана дренаждык каналдар орнотулган.

Ошол эле учурда жашылдандыруу иштери жүрүп жатат: кайың, пауловния көчөттөрү отургузулуп, бак-дарактарга бир калыпта форма берилди.

Аллеяда улуу акын Жолон Мамытовдун 85 жылдык мааракесине карата анын эстелиги да орнотулат.