OTP Bank, MOL Group va Wizz Air kabi gigantlar vakili bo‘lgan vengriyalik ishbilarmonlar O‘zbekiston bilan hamkorlikni mustahkamlashdan manfaatdor ekanligini bildirdi. Prezident Mirziyoyev biznes uchun qulay shart-sharoit yaratish O‘zbekiston uchun ustuvor vazifa ekanini ta’kidlab, bunday uchrashuvlarni muntazam o‘tkazishni taklif qildi.

Vengriya sarmoyalarining jadal o'sishiga, jumladan, O'zbekistondagi eng yirik banklardan biri bo'lgan OTP Bankni sotib olishga alohida e'tibor qaratildi. OTPning avtokreditlar va biznesni moliyalashtirish boʻyicha qoʻshma kompaniya tashkil etish, shuningdek, parrandachilik klasterini qurish boʻyicha rejalari qoʻllab-quvvatlandi.

Toshkent viloyatida sanoat kooperatsiyasini kengaytirish maqsadida Yevropa kompaniyalari uchun maxsus sanoat zonasi tashkil etilmoqda, uni boshqarish Vengriyaning Inpark operatoriga o‘tkaziladi. Hamkorlikning ustuvor yo‘nalishlari qatoriga qo‘shma loyihalarni birgalikda moliyalashtirish va tayyor mahsulotlarni uchinchi davlat bozorlariga eksport qilishni qo‘llab-quvvatlash kiradi.

Infratuzilmani modernizatsiya qilish, logistika markazlarini qurish, qurilish materiallari, to‘qimachilik, kimyo va farmatsevtika mahsulotlari ishlab chiqarish bo‘yicha yangi loyihalarni amalga oshirish bo‘yicha kelishuvlarga erishildi.

Uchrashuv yakunida O‘zbekiston-Vengriya ishbilarmonlik munosabatlarida yangi bosqich boshlanganining ramziy tasdig‘iga aylangan ustuvor investisiya loyihalarini amalga oshirish bo‘yicha kelishuvlar almashish marosimi bo‘lib o‘tdi.