Узатом агенттигижана Венгриянын мамлекеттик энергетикалык компаниясы MVM EGI ZrtӨзбекстанда атомдук энергетиканы өнүктүрүүгө багытталган кызматташтык келишимине кол койду.

Өзбекстандын атомдук өнөр жайы үчүн квалификациялуу адистерди даярдоо программасын ишке киргизүү жана атомдук электр станцияларын кургак муздатуу үчүн алдыңкы системаларды жеткирүүнү уюштуруу кызматташуунун негизги багыттары болот. Буга чейин өзбек тарап венгриялык адистер иштеп чыккан бул технологияны ишке ашырууга даяр экенин тастыктаган.

Келишим ошондой эле биргелешкен илимий изилдөөлөрдү жана Өзбекстанда тынчтык максаттагы атомдук энергетика тармагындагы технологияларды локалдаштыруу боюнча долбоорлорду ишке ашырууну карайт.

Мындан тышкары, Өзбекстан менен Венгриянын өкмөттөрүнүн ортосунда эки тараптуу кызматташтыкты мындан ары өнүктүрүүгө жана Өзбекстан Республикасында атомдук электр станцияларын куруу долбоорлорун ишке ашырууга негиз түзгөн өз ара түшүнүшүү жөнүндө меморандумга кол коюлду.

Бул макулдашуулар елкеде биринчи атомдук электр станциясын тузуу боюнча жургузулуп жаткан ишти толуктап турат. Буга чейин Орусиянын «Росатом» мамлекеттик корпорациясы Өзбекстандын болочок атомдук электр станциясы үчүн биринчи реактордук жабдууларды чыгара баштаганын жазганбыз.

МААЛЫМАТ.Венгриялык компания MVM EGI Zrt. 1948-жылы негизделген жана ички жана эл аралык рынокто энергетика тармагында лидер болуп саналат. Ал дүйнө жүзү боюнча миңдеген электр станциялары үчүн ишенимдүү негиз түзгөн сууну үнөмдөөчү муздатуу системаларын долбоорлоого жана ишке ашырууга адистешкен.