Парижде Су ресурстары, ауыл шаруашылығы және өңдеу өнеркәсібі министрі Бақыт Төребаев бастаған делегация Дүниежүзілік жануарлар денсаулығы ұйымының (WOAH) бас директоры Эммануэль Субейранмен кездесті.

Кездесу барысында ветеринария саласын дамытуға, жануарлардың денсаулығын қорғауға және халықаралық ынтымақтастықты нығайтуға қатысты бірқатар мәселелер талқыланды. Тараптар ынтымақтастықты одан әрі дамыту бағыттарын белгілеп, нақты жоспарларды қарастыруға келісті.

Сондай-ақ тараптар ветеринарлық мамандарды оқыту, зертханалық базаларды нығайту, ақпарат алмасу бойынша бірлескен бағдарламаларды жүзеге асыру қажеттігін атап өтті. Бұл ынтымақтастық Қырғызстанның ауыл шаруашылығындағы экспорттық мүмкіндіктерін кеңейтуге де ықпал етеді.

Айта кету керек, Қырғызстан үшін мал ауруларының алдын алу, диагностикалық мүмкіндіктерді кеңейту және халықаралық стандарттарға сай жұмыс жүргізу басым бағыттардың бірі болып табылады.

Бұл кездесу Қырғызстан мен Дүниежүзілік жануарлар денсаулығы ұйымы арасындағы ынтымақтастықтың жаңа кезеңін ашады деп күтілуде.