Ayni kunlarda Bangkok shahrida davom etayotgan “Tailand Open” xalqaro turnirida O‘zbekiston terma jamoasining besh nafar bokschisi chorak final bosqichidan muvaffaqiyatli o‘tib, yarim finalga yo‘l oldi. 55 kilogramm vazn toifasida Farozbek Do‘smatov hindistonlik Pavan Bartvalni 5:0 hisobida yengdi. 48 kilogramm vazn toifasida Farzona Fozilova indoneziyalik Merlin Tomatalani ishonchli tarzda mag‘lub etdi. Feruza Kazakova, Shodio‘g‘on Meliqo‘ziev va Samandar Jalolov ham yarim finalga yo‘l oldi. O‘zbekistonlik bokschilardan biri Sayat Ilyosov musobaqaning keyingi bosqichiga chiqa olmadi.Chorak final uchrashuvlarida O‘zbekistonning yana olti nafar vakili ishtirok etadi:85 kg gacha: Nusrat Tohirov Husayn Ishaysh (Iordaniya); 51 kg gacha: Sabina Boboqulova Mun Ga Yongga (Janubiy Koreya) qarshi ringga chiqadi; 70 kg gacha: Oisha Toirova Anastasiya Chernokolenko (Ukraina) bilan jang qiladi; 75 kg gacha: Djavoxir Abdurahimov Timur Nurseitov (Qozog'iston); 57 kg gacha: Nigina O‘ktamova Ge Yaki (Xitoy); 75 kg gacha: Aziza Zokirova Chju Yashu (Xitoy) bilan kuch sinashadi. Eslatib o'tamiz, Thailand Open turniri bokschilarni yirik xalqaro musobaqalar oldiga tayyorlashning muhim bosqichi hisoblanadi.