Innovatsion rivojlanish agentligida Koreya Respublikasi hukumati ko‘magida Raqamli ishlab chiqarish texnologiyalari markazini yaratish loyihasi rasman ishga tushdi. Koreya mashinasozlik assotsiatsiyasi direktorlar kengashi raisi Dongryul Kim boshchiligidagi delegatsiyaning tashrifi 2025-2029 yillarga mo‘ljallangan, byudjeti 8 million AQSh dollari bo‘lgan keng ko‘lamli tashabbusning boshlanishini ko‘rsatdi.

Markaz Farg‘ona yoshlar texnoparkida tashkil etiladi va zamonaviy yuqori texnologiyali uskunalar bilan jihozlanadi, bu O‘zbekistonda innovatsiyalarni joriy etish va raqamli ishlab chiqarishni rivojlantirish imkoniyatlarini sezilarli darajada kengaytiradi.

Bundan tashqari, loyiha doirasida o‘zbekistonlik mutaxassislarni Koreya Respublikasining yetakchi sanoat korxonalariga amaliyot o‘tash va o‘quv safarlari orqali tajriba almashish va malakasini oshirish ko‘zda tutilgan.