Астана, 28 мамыр 2025 жыл – Караван Инфо ақпараттық агенттігі.Астанада Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Ресей Федерациясының Елшісі Алексей Бородавкинді қабылдады. Кездесуде Қазақстан-Ресей ынтымақтастығының қазіргі жағдайы мен даму перспективалары талқыланды.

Келіссөздер барысында тараптар саммит пен жоғары деңгейдегі кездесулердің қорытындысы бойынша қол жеткізілген уағдаластықтарды іске асыру барысы туралы егжей-тегжейлі қарастырды.

Екіжақты ынтымақтастықтан бөлек, өңірлік және жаһандық күн тәртібіндегі мәселелер талқыланды.

Сондай-ақ тараптар ағымдағы жылғы өзара сапарлар мен бірлескен іс-шаралар кестесін қарастырды.

Фото:Қазақстан Республикасының СІМ